Նյու Յորքի քաղաքապետը պարգեւատրել է Հայոց արևելյան թեմի առաջնորդ Մեսրոպ եպիսկոպոս Պարսամյանին
23.09.2024
Նյու Յորքի քաղաքապետ Էրիկ Ադամսը արևելաեվրոպական մշակույթին և ժառանգությանը նվիրված միջոցառման ժամանակ պատվոգիր է տվել Հայոց արևելյան թեմի առաջնորդ Մեսրոպ եպիսկոպոս Պարսամյանին։ Սրբազանը հայտարարել է, որ հայկական համայնքը ձեւավորվել է ցեղասպանություն վերապրած հայերի կամքի, ոգու և խիզախության շնորհիվ։ Մեսրոպ սրբազանը ԱՄՆ հայոց արևելյան թեմի 13-րդ առաջնորդն է, ընտրվել է 2022 թվականին։ Անցյալ տարի եպիսկոպոս է ձեռնադրվել Մայր Աթոռ Սուրբ Էջմիածնում:
