Հայաստանյայց Առաքելական Սուրբ Եկեղեցի Մայր Աթոռ Սուրբ Էջմիածին

Մարտի 19-ին տեղի ունեցավ Հռոմի նորընտիր Ֆրանցիսկոս Պապի գահակալության արարողությունը, որին ներկա էին 132 երկրների պատվիրակություններ եւ 34 պետությունների ղեկավարներ, այդ թվում` Հայաստանի Հանրապետության նախագահ Սերժ Սարգսյանը: Ավելի քան մեկ միլիոն ուխտավորներ աշխարհի տարբեր մասերից ներկա էին արարողությանը: Մայր Աթոռ Սուրբ Էջմիածնից հայրապետական պատվիրակությունը Գարեգին Բ. Ամենայն Հայոց Կաթողիկոսի գլխավորությամբ նույնպես մեկնել էր Վատիկան` մասնակցելու գահակալման արարողությանը: