Հայաստանյայց Առաքելական Սուրբ Եկեղեցի Մայր Աթոռ Սուրբ Էջմիածին

Սան Պաուլուի Սուրբ Գևորգ առաջնորդանիստ եկեղեցում բրազիլահայերն աղոթել են արցախահայերի իրավունքների պաշտպանության, մասնավորապես՝ Ադրբեջանի կողմից առևանգված, գերեվարված եւ Բաքվում շինծու մեղադրանքներով ապօրինաբար պահվող զինծառայողների, քաղաքացիական անձանց և Արցախի Հանրապետության ռազմաքաղաքական ղեկավարության ներկայացուցիչների համար։ Թեմակալ առաջնորդն ընդգծել է, որ հայաթափվել է Արցախը, զինաթափվել է պաշտպանության բանակը, պղծվել են հայկական տաճարներն ու սրբատեղիները, գերի են տարվել բազմաթիվ զինվորականներ, քաղաքացիական անձինք: