Հայաստանյայց Առաքելական Սուրբ Եկեղեցի Մայր Աթոռ Սուրբ Էջմիածին

Միացյալ Թագավորության և Իռլանդիայի Հայ Առաքելական Եկեղեցու թեմի նախաձեռնությամբ Լոնդոնի Սուրբ Եղիշե հայոց եկեղեցում քննարկվել է Արցախի էթնիկ զտումների ու միջազգային իրավունքի արդիականության հարցերը։ Լիվերպուլի Լորդ Ալթոնը ընդգծել է Արցախում տեղի ունեցածի հարցում միջազգային հանրության պատասխանատվությունը: Նրա պնդմամբ՝ երկիմաստությունը և անտարբերությունը այս հարցում անթույլատրելի է։ Հայաստանի մարդու իրավունքների նախկին պաշտպան Արման Թաթոյանը հայտարարել է, որ թշնամու ներկայության պատճառով Հայաստանի սահմանամերձ գյուղերի բնակիչները զրկվել են բնականոն կյանքի հնարավորությունից և անվտանգությունից: