Տ. Մկրտիչ աբեղա Պռոշյանը նշանակվել է Սեւանի Վազգենյան Դպրանոցի հոգեւոր տեսչի պաշտոնակատար
13.10.2004
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի Հայրապետական տնօրինությամբ Հոգեշնորհ Տ. Մկրտիչ աբեղա Պռոշյանը, որն ավարտել է համալսարանական կրթությունը Անգլիայում, հոկտեմբերի 1-ից նշանակվել է Սեւանի Վազգենյան Դպրանոցի հոգեւոր տեսչի պաշտոնակատար:
* * *
Տ. ՄԿՐՏԻՉ ԱԲԵՂԱ ՊՌՈՇՅԱՆ
(ավազանի անունը` Հայկ)
Ծնվել է 1975թ. էջմիածին քաղաքում:
1982-1992թթ. սովորել է Խաչատուր Աբովյանի անվան միջնակարգ դպրոցում:
1993-1998թթ. սովորել է Սեւանի Վազգենյան Հոգեւոր դպրանոցում:
1998-1999թթ. ուսումը շարունակել է Էջմիածնի Գեւորգյան Հոգեւոր ճեմարանում:
1999թ. ձեռամբ Տ. Ոսկան արք. Գալփաքյանի ձեռնադրվել է սարկավագ:
2000թ. պաշտպանել է ավարտաճառ` «Խոսրով Անձեւացու «Պատարագի մեկնության» աստվածաբանությունը» թեմայով:
2001թ. ձեռամբ Ամենայն Հայոց Գարեգին Բ Կաթողիկոսի ձեռնադրվել է կուսակրոն քահանա:
2001-2003թթ. սովորել է Անգլիայի Մրֆիլդի քոլեջում եւ Լից համալսարանում` ստանալով բակալավրի աստիճան:
2003-2004թթ. ուսումը շարունակել է Քարդիֆի (Անգլիա) համալսարանում` ստանալով աստվածաբանության մագիստրոսի աստիճան:
