Նոր հրատարակություն
07.02.2020
Մայր Աթոռ Սուրբ Էջմիածնի Հրատարակչական բաժինը լույս է ընծայել Մայր Աթոռի դիվանապետ Գերաշնորհ Տ. Արշակ եպիսկոպոս Խաչատրյանի քարոզների ժողովածուն՝ «Որոնումներ…» խորագրով։
Ժողովածուում տեղ են գտել 1998-2019 թթ. Արշակ եպիսկոպոսի հոգևոր ծառայության ընթացքում գրված քարոզները՝ ազգային, եկեղեցական տոների և այլ իրադարձությունների առիթով։ Գրքում ընդգրկված քարոզներն աչքի են ընկնում խոսքի մատչելիությամբ, ինչը ժողովածուն դարձնում է ավելի հասանելի և օգտակար ոչ միայն հոգևորականների, այլ նաև Հայ Առաքելական Եկեղեցու հավատացյալների և հասարակության լայն շրջանակի համար։
Ժողովածուն ընթերցողին հնարավորություն է տալիս հարուստ գիտելիք ստանալու քրիստոնեական հավատի մասին։
