Հայաստանյայց Առաքելական Սուրբ Եկեղեցի Մայր Աթոռ Սուրբ Էջմիածին

Մայր Աթոռ Սուրբ Էջմիածինը փետրվարի 18-ին, հայտարարեց, որ Գևորգյան հոգևոր ճեմարանը կսկսի հայտեր ընդունել Հայ Եկեղեցու քահանաների պատրաստման հատուկ երկամյա դասընթացի համար։ Արագացված, խիստ ինտենսիվ, երկամյա ծրագիրը բաց կլինի ընտրելու այն անհատներին, ովքեր բավարարում են ներկայացված պահանջներին և երաշխավորված են իրենց թեմակալ առաջնորդների կողմից:
Գարեգին Բ Ծայրագույն Պատրիարք և Ամենայն Հայոց Կաթողիկոսը կատարեց քահանայից լսարանի բացումը։ Ծրագրի նպատակն է Քրիստոսի պատգամը, հավատը, հույսն ու սերը փոխանցել հայորդիներին: Ծրագրի թիրախը գյուղական համայնքներն են, որտեղ լրացուցիչ քահանաների անհրաժեշտություն է նկատվում:

Դիմորդները պետք է լինեն Եկեղեցու հավատարիմ զավակներ, մինչև 40 տարեկան, ունենան բակալավրի կոչում (կամ համարժեք) բարձրագույն ուսումնական հաստատությունից և ունենան թեմի առաջնորդի երաշխավորագիրը:

Դասընթացը կմեկնարկի 2002թ. ապրիլի 1-ին: Երկամյա ծրագրի ընթացքում ուսանողներին կտրամադրվի կացարան և սնունդ: Դիմելու վերջնաժամկետն է 2002 թվականի մարտի 15-ը:
Դիմումները կարելի է ներկայացնել՝ դիմելով Թեմի առաջնորդարանին կամ անմիջականորեն կապ հաստատել Գևորգյան հոգևոր ճեմարանի հետ։