Հոգեհանգստյան արարողություն` Մայր Աթոռ Սբ. Էջմիածնում
01.02.2004
Վերջին երկու ամիսների ընթացքում Հայաստանյայց Առաքելական Սբ. Եկեղեցին հրաժեշտ տվեց չորս արժանավոր սրբազան հայրերի:
Փետրվարի 1-ին Մայր Աթոռ Սբ. Էջմիածնում հավարտ սբ. պատարագի Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հանդիսապետությամբ կատարվեց հոգեհանգստյան արարողություն ի հիշատակ նորոգ հանգուցյալ եկեղեցականների` Եգիպտոսի թեմի առաջնորդ Տ. Զավեն արք. Չինչինյանի, Երուսաղեմի Սրբոց Հակոբյանց միաբանության անդամ Տ. Կյուրեղ եպս. Գաբիկյանի, Մեծի Տանն Կիլիկիո կաթողիկոսության միաբաններ Տ. Սահակ արք. Այվազյանի եւ Տ. Մեսրոպ արք. Աշճյանի համար:
