ՀԵՀԵՄ կազմակերպչական խմբի ժողով Մայր Աթոռում
![ՀԵՀԵՄ կազմակերպչական խմբի ժողով Մայր Աթոռում](https://www.armenianchurch.org/images/cache/news/1/16946724496943/5a49f840a118e43594d1e6b372327ca4-1045x663.jpg)
2018 թ. Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի կողմից հռչակվել է որպես Երիտասարդության տարի:
Փետրվարի 19-20-ը Մայր Աթոռ Սուրբ Էջմիածնում տեղի ունեցավ «Դեպի Հայրենիք, դեպի Սուրբ Էջմիածին» կարգախոսի ներքո Երիտասարդության տարի հռչակման ծրագրի կազմակերպչական խմբի ժողովը` նախագահությամբ Հայ Եկեղեցու Երիտասարդաց Միավորման հոգևոր պատասխանատու Գերաշնորհ Տ. Հովնան արքեպիսկոպոս Տերտերյանի:
Ժողովին իրենց մասնակցությունը բերեցին Ռումինիայի Հայոց թեմի առաջնորդ Գերաշնորհ Տ. Տաթև եպիսկոպոս Հակոբյանը, ԱՄՆ Արևմտյան Հայոց թեմից Արժանապատիվ Տ. Ավետիս քհն. Աբովյանը, ՀԵՀԵՄ կենտրոնական գրասենյակի տնօրեն Գևորգ Մկրտչյանը, Ռուսաստանի և Նոր Նախիջևանի Հայոց թեմի երիտասարդական խորհրդի ներկայացուցիչ Վարդան Պողոսյանը, ինչպես նաև ՀԵՀԵՄ ԿԳ աշխատանքային խումբը։
Ժողովի ընթացքում քննարկվեցին երիտասարդական տարի հռչակման շրջանակներում 2018 թ. հուլիսի 4-ից 8-ը ծրագրվող միջոցառումների հետ առնչված կազմակերպչական հարցեր:
![](https://www.armenianchurch.org/images/albums/1/1694671862266.jpg)
![](https://www.armenianchurch.org/images/albums/1/16946718622687.jpg)