Ամենայն Հայոց Կաթողիկոսը Մայր Աթոռում ընդունեց Եգիպտոսից ժամանած պատվիրակությանը
![Ամենայն Հայոց Կաթողիկոսը Մայր Աթոռում ընդունեց Եգիպտոսից ժամանած պատվիրակությանը](https://www.armenianchurch.org/images/cache/news/1/1632599670815/6c8ad322748756b811129884be501f0d-1045x663.jpg)
Օրերս Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Եգիպտոսից ժամանած պատվիրակություն՝ առաջնորդությամբ Եգիպտոսի Հայոց թեմի առաջնորդ Գերաշնորհ Տ․ Աշոտ եպիսկոպոս Մնացականյանի և Կահիրեի Թեմական Ժողովի անդամ դոկտ. Արմեն Մալյումյանի։
Պատվիրակության կազմում էին «Վիթօ» թերթի և կայքէջի խմբագիր Իսամ Քամելը, «Ալ Ահրամ» պետական հաստատության «Ահրամ Արաբի» հանդեսի գործող խմբագիր Սայեդ Մահմուդը և «Ախբար» պետական հաստատության «Ախբար Ալ Յում» թերթի գործող խմբագիր Դալիա Գամալը։
Հանդիպմանը ներկա էին ՀՀ-ում Եգիպտոսի դեսպան Բահաա էլ Դին Բահգատ Դիսուքին և դեսպանատան խորհրդական Մոհամեդ Սալահը։
Պատվիրակության Հայաստան այցը կազմակերպվել էր Կահիրեի ազգային առաջնորդարանի հովանավորությամբ։