Ամենայն Հայոց Կաթողիկոսն ընդունեց Ամերիկայի Հայ Ավետարանչական ընկերակցության պատվիրակությանը
![Ամենայն Հայոց Կաթողիկոսն ընդունեց Ամերիկայի Հայ Ավետարանչական ընկերակցության պատվիրակությանը](https://www.armenianchurch.org/images/cache/news/1/16935489009501/7189a481d87a9291772294c2639c0dc6-1044x662.jpg)
Սեպտեմբերի 20-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ամերիկայի Հայ Ավետարանչական ընկերակցության պատվիրակությանը` գլխավորությամբ ընկերակցության գործադիր տնօրեն Զավեն Խանջյանի:
Զրույցի ընթացքում անդրադարձ կատարվեց Հայաստանյայց Առաքելական Սուրբ Եկեղեցու առաքելությանը ազգի միասնականության զորացման գործում: Ընդգծվեց, որ, անկախ տարբեր պայմաններից և կրոնական հայացքներից, աշխարհասփյուռ հայորդիների հոգում և գիտակցության մեջ Մայր Աթոռ Սուրբ Էջմիածինը մշտապես ընկալվել է իբրև երաշխավոր ազգային ինքնության պահպանման և հարատևման:
Հանդիպմանը խոսվեց նաև հոգևոր զարթոնքի և Հայաստանում ու Սփյուռքի հայ համայնքներում երիտասարդության հետ տարվող աշխատանքների մասին:
![](https://www.armenianchurch.org/images/albums/1/16935488089949.jpg)
![](https://www.armenianchurch.org/images/albums/1/16935488089975.jpg)
![](https://www.armenianchurch.org/images/albums/1/16935488089998.jpg)