Հոգեհանգստյան արարողություն Մայր Աթոռ Սուրբ Էջմիածնում
Վեհափառ Հայրապետը, աղոթք վերառաքելով առ Աստված զոհվածների հոգիների հանգստության համար, ամենքին միասնական աղոթքի հրավիրեց` հայցելու Տիրոջից խաղաղություն Հայոց աշխարհին եւ աշխարհասփյուռ զավակներին մեր ժողովրդի, որպեսզի ազգը հայոց շարունակի իր բարի ընթացքն այս աշխարհում` կերտելով խաղաղ ու ապահով, բարօր, սիրո մեջ ծաղկող Հայոց Հայրենիք: «Մեր ազգային կյանքում չկա ավելի բարձր ու ավելի մեծ նպատակ, քան ազգիս համերաշխությունը, խաղաղ կյանքը, մեր երկրի կայունությունը, Հայրենիքի անվտանգությունը: Ցավալիորեն, չկարողացանք այս ողջամտությունը հասանելի դարձնել մեր ժողովրդի զավակներին եւ ետ պահել նրանց անխոհեմ քայլերից»,- նշեց Նորին Սրբությունն իր խոսքում:
Նորին Սրբության կողմից հանձնարարական է տրված թեմակալ առաջնորդներին` այցելություններ կազմակերպելու եւ ըստ ամենայնի աջակցելու զոհվածների ընտանիքներին:
