Հայաստանյայց Առաքելական Սուրբ Եկեղեցի Մայր Աթոռ Սուրբ Էջմիածին

ՀԱՅ ԵԿԵՂԵՑՈՒ ԾԻՍԱԿԱՆ ՀԱՆՁՆԱԽՄԲԻ ՀԱՆԴԻՊՈՒՄ Սեպտեմբերի 14-16-ը Մայր Աթոռ Սուրբ Էջմիածնում կայացավ Հայ Առաքելական Սբ. Եկեղեցու Ծիսական հարցերի հանձնախմբի երրորդ հանդիպումը: Հանդիպմանը Ամենայն Հայոց Կաթողիկոսությունից մասնակցում էին` Տ. Արշակ Եպս. Խաչատրյանը (համաատենապետ), Տ. Նաթան Եպս. Հովհաննիսյանը, Տ. Միքայել Եպս. Աջապահյանը և Տ. Վահան Ծ. Վրդ. Հովհաննիսյանը: Մեծի Տանն Կիլիկիո Կաթողիկոսությունից` Տ. Կոմիտաս Արք. Օհանյանը (համաատենապետ) և Տ. Գեղամ Արք. Խաչերյանը:
Ժողովի ընթացքում հանձնախմբի կողմից քննության առնվեցին Սբ. Մկրտության արարողությանը առնչվող բնագրագիտական, կանոնական, ուսուցողական ու բարեպաշտական հարցեր:
Ժողովի սկզբին և ավարտին հանձնախմբի անդամներին ընդունեց Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը և փոխանցեց Իր օրհնությունն ու աշխատանքների արդյունավետության համար բարեմաղթանքները:
Ծիսական հանձնախմբի եռօրյա ժողովն ավարտվեց սեպտեմբեր 16-ին: Հանձնախմբի առաջիկա հանդիպումը կկայանա գարնանը Մեծի Տանն Կիլիկիո կաթողիկոսարանում: