Հայաստանյայց Առաքելական Սուրբ Եկեղեցի Մայր Աթոռ Սուրբ Էջմիածին

Մայր Աթոռ Սուրբ Էջմիածնի Քրիստոնեական Դաստիարակության Կենտրոնը Շիրակի մարզպետարանի կրթության վարչության հետ համագործակցաբար Գյումրի քաղաքի 40 դպրոցներում իրականացրեց օլիմպիադա «Հայոց Եկեղեցու պատմություն» առարկայից:

Շիրակի Թեմի Առաջնորդ Տ. Միքայել Եպիսկոպոս Աջապահյանի օրհնությամբ կազմակերպված օլիմպիադայի առաջին փուլին մասնակցեցին 6-րդ եւ 7-րդ դասարանների աշակերտները, որոնցից լավագույն արդյունքներ ցուցաբերած աշակերտները մայիսի 14-ին մասնակցեցին համաքաղաքային փուլին:

Երեխաների գիտելիքներն ու ստեղծագործական ունակությունները վերհանելուն միտված աշխատանքների արդյունքում հաղթող ճանաչվեցին 6-րդ եւ 7-րդ դասարանների երեքական աշակերտներ, ովքեր մայիսի 20-ին Գյումրի քաղաքի տարբեր դպրոցներից ներգրավված աշակերտների ուժերով կազմակերպված գրական-երաժշտական ցերեկույթի շրջանակներում պարգեւատրվեցին` համապատասխանաբար արժանանալով 1-ին, 2-րդ եւ 3-րդ կարգի մրցանակների:

Քրիստոնեական Դաստիարակության կենտրոն