Հայաստանյայց Առաքելական Սուրբ Եկեղեցի Մայր Աթոռ Սուրբ Էջմիածին

Շնորհավորելով տիար Բոզջիգիտովին նշանակման առիթով` Նորին Սրբությունը դեսպանին մաղթեց արդյունավոր գործունեություն իր առաքելության մեջ: Վեհափառ Հայրապետը գոհունակությամբ հաստատեց երկու երկրների հարաբերություններում առկա առաջընթացը եւ վստահեցրեց, որ Հայաստանյայց Առաքելական Սուրբ Եկեղեցին շարունակելու է նպաստել երկու ժողովուրդների եւ երկրների միջեւ առկա ջերմ կապերի եւ համագործակցության սերտացմանը:

Ամենայն Հայոց Կաթողիկոսն անդրադարձավ նաեւ Ղազախստանում պարբերաբար գումարվող համաշխարհային եւ ավանդական կրոնների հոգեւոր առաջնորդների գագաթաժողովների կարեւոր դերակատարությանը` ի դեմս դեսպանի իր գնահատանքը հայտնելով Ղազախստանի իշխանություններին այն վերաբերմունքի եւ հարգանքի համար, որ ցուցաբերվում է Ղազախստանում կրոնների նկատմամբ, եւ հասարակության մեջ դրանց առաքելության կարեւ որման համար:

Հանդիպմանն անդրադարձ եղավ նաեւ Ղազախստանի հայ համայնքին, երկրների միջեւ առկա տնտեսական գործակցությանը: