Սուրբ Հովհաննես Կարապետի մասունքը տարվել է Շողակաթի վանք
![Սուրբ Հովհաննես Կարապետի մասունքը տարվել է Շողակաթի վանք](https://www.armenianchurch.org/images/cache/news/1/17170757448156/3f9bce200023a608b40554a754934a48-1044x663.jpg)
Մայիսի 30-ին Հայաստանյայց Առաքելական Սուրբ Եկեղեցին նշեց Սուրբ Հովհաննես Կարապետի և Սուրբ Աթանագինե եպիսկոպոսի տոնը, որը նաև Էջմիածնի Սուրբ Շողակաթ վանքի ուխտի օրն է:
Սուրբ Հովհաննես Մկրտչի մասունքն ամփոփող խաչ-մասունքարանը առավոտյան Մայր Աթոռից Սուրբ Շողակաթ վանք տարվեց եկեղեցականների հանդիսավոր թափորով:
Թափորը մինչև Սուրբ Գրիգոր Լուսավորչի կամար գլխավորեց Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը՝ մեծագույն սրբի մասունքարանով օրհնելով բարեպաշտ ժողովրդին: Այնուհետև սրբազան մասունքը Նորին Սրբությունը փոխանցեց Մայր Աթոռի Քրիստոնեական դաստիարակության կենտրոնի տնօրեն Հոգեշնորհ Տ․ Զաքարիա ծայրագույն վարդապետ Բաղումյանին։
Սուրբ Շողակաթ վանքի առջև թափորը դիմավորեցին բազմաթիվ ուխտավորներ` Մայր Աթոռի Վանորեից տեսուչ Գերաշնորհ Տ. Արտակ եպիսկոպոս Տիգրանյանի գլխավորությամբ:
Տոնի կապակցությամբ վանքում մատուցվեց Սուրբ Պատարագ: Պատարագիչն էր Շողակաթ վանքի վանահայր Հոգեշնորհ Տ․ Արիս աբեղա Տոնոյանը։
Սրբազան արարողության ավարտին Գերաշնորհ Տ. Արտակ եպիսկոպոս Տիգրանյանը Ս. Հովհաննես Մկրտչի մասունքակիր խաչով օրհնեց հավատացյալ ժողովրդին:
![](https://www.armenianchurch.org/images/albums/1/17170756152631.jpg)
![](https://www.armenianchurch.org/images/albums/1/17170756152659.jpg)
![](https://www.armenianchurch.org/images/albums/1/17170756152682.jpg)
![](https://www.armenianchurch.org/images/albums/1/17170756152703.jpg)
![](https://www.armenianchurch.org/images/albums/1/17170756152725.jpg)
![](https://www.armenianchurch.org/images/albums/1/17170756152747.jpg)
![](https://www.armenianchurch.org/images/albums/1/17170756152768.jpg)
![](https://www.armenianchurch.org/images/albums/1/17170756152789.jpg)
![](https://www.armenianchurch.org/images/albums/1/1717075615281.jpg)
![](https://www.armenianchurch.org/images/albums/1/17170756152833.jpg)
![](https://www.armenianchurch.org/images/albums/1/17170756152855.jpg)
![](https://www.armenianchurch.org/images/albums/1/17170756152875.jpg)