Ամենայն Հայոց Կաթողիկոսն ընդունեց Հարավային Կորեայի Մեթոդիստ եկեղեցու անդամներին
![Ամենայն Հայոց Կաթողիկոսն ընդունեց Հարավային Կորեայի Մեթոդիստ եկեղեցու անդամներին](https://www.armenianchurch.org/images/cache/news/1/17187760970124/8af85e5f049bd2ab2de70aad9024f984-1044x663.jpg)
Հունիսի 18-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հարավային Կորեայի Մեթոդիստ եկեղեցու անդամներին՝ գլխավորությամբ վերապատվելի Կիմ Ջոնգգոյի։
Ողջունելով հյուրերի այցը Հայաստան և Մայր Աթոռ Սուրբ Էջմիածին՝ Վեհափառ Հայրապետն ընդգծեց, որ նման այցելությունները նպաստում են երկու ժողովուրդների փոխճանաչողությանը և միջմշակութային կապերի զորացմանը։
Իր հերթին վերապատվելի Կիմ Ջոնգգոն Նորին Սրբությանը տեղեկություններ փոխանցեց Հարավային Կորեայում Մեթոդիստ եկեղեցու գործունեության և տարբեր ոլորտներում իրականացվող առաքելության մասին։
Հանդիպմանը Ամենայն Հայոց Կաթողիկոսը պատասխանեց նաև հյուրերի հարցերին, որոնք առնչվում էին Հայ Եկեղեցու առաքելությանն ու միջեկեղեցական փոխհարաբերություններին։