Ամենայն Հայոց Կաթողիկոսը հանդիպում ունեցավ նախագահ Հարությունյանի և ԱՀ ԱԺ պատվիրակության հետ
![Ամենայն Հայոց Կաթողիկոսը հանդիպում ունեցավ նախագահ Հարությունյանի և ԱՀ ԱԺ պատվիրակության հետ](https://www.armenianchurch.org/images/cache/news/1/16633508557543/8af85e5f049bd2ab2de70aad9024f984-1044x663.jpg)
Սեպտեմբերի 16-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսը հանդիպում ունեցավ Արցախի Հանրապետության նախագահ Արայիկ Հարությունյանի և ԱՀ Ազգային ժողովի պատվիրակության հետ:
Քննարկվել են ստեղծված իրավիճակում Հայաստանի և Արցախի առջև ծառացած մարտահրավերները, վերջին օրերի Ադրբեջանի ոտնձգությունները և առկա գոյաբանական սպառնալիքները։ Հանդիպմանն ընդգծվել է անհրաժեշտությունը ազգային ողջ ներուժի համախմբման և համահայկական միասնական ջանքերի գործադրման ի նպաստ ստեղծված դժվարին իրավիճակի հանգուցալուծման և կայուն խաղաղության վերահաստատման։
Հանրապետության նախագահը և Արցախի խորհրդարանականները կարևոր են նկատել պետություն-եկեղեցի գործակցությունը, մասնավորապես այս օրերին Հայ Առաքելական եկեղեցու առաքելությունը ազգային միասնականության ամրապնդման գործում:
Հանդիպման ընթացքում անդրադարձ է եղել Արցախի թեմի գործունեությանը և հոգևոր կյանքի զորացմանն ուղղված ծրագրերին և այդ համատեքստում պետության անելիքներին:
![](https://www.armenianchurch.org/images/albums/1/16633505888666.jpg)
![](https://www.armenianchurch.org/images/albums/1/16633505888699.jpg)