Տոն Կաթուղիկե Ս. Էջմիածնի
27.05.2016
Տոն Կաթուղիկե Ս. Էջմիածնի
Մայիսի 29-ին Հայաստանյայց Առաքելական Ս. Եկեղեցին նշելու է Կաթուղիկե Ս. Էջմիածնի բերկրառատ տոնը:
Տոնի առիթով, հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, Միածնաէջ Մայր Տաճարում կմատուցվի Սուրբ և Անմահ Պատարագ:
Օրվա կապակցությամբ, ի շարս բազում ուխտավորների, Մայր Աթոռ Սուրբ Էջմիածին են ժամանելու նաև Տավուշի թեմի ուխտավորները` Տավուշի թեմի առաջնորդ Գերաշնորհ Տ. Բագրատ եպիսկոպոս Գալստանյանի, մարզպետի, համայնքապետերի առաջնորդությամբ:
Պատարագիչն է լինելու Տ. Բագրատ եպիսկոպոս Գալստանյանը:
Հավարտ Պատարագի սրբազան արարողության, նախագահությամբ Ամենայն Հայոց Կաթողիկոսի, կկատարվի Ս. Էջմիածնի մաղթանք:
