Նոր հրատարակություն. «Աղոթագիրք Հովհաննես Գառնեցու»
Ն.Ս.Օ.Տ.Տ. Գարեգին Բ Ծայրագույն Պատրիարք Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի հրատարակչական բաժինը լույս է ընծայել ԺԲ-ԺԳ դդ. ճգնակյաց, հրաշագործի համբավ ունեցող վարդապետ-մատենագիր Հովհաննես Գառնեցու աղոթագիրքը: Գրքում տեղ են գտել 35 աղոթքներ:
Գրքի հետազոտական հոդվածը հեղինակել բնագրերի խմբագրումը կատարել է Գորգ Տեր-Վարդանյանը, ձեռագրերի համեմատությունը` Լիլիթ Պետրոսյանը, իսկ աշխարհաբար թարգմանությունը` Արշակ Մադոյանը:
Մատենաշարի գլխավոր խմբագիրն է Մայր Աթոռ Սուրբ Էջմիածնի հրատարակչական բաժնի տնօրեն Տ. Եզնիկ արքեպիսկոպոս Պետրոսյանը: Գիրքը հրատարակվել է տեր տիկին Արմեն Նունե Սարգսյանների մեկենասությամբ:
Նման աղոթագրքերի հրատարակությունը հնարավորություն է ընձեռում հավատացյալներին ոչ միայն հաղորդ դառնալու մեր նախնիների թողած հոգոր հարուստ ժառանգությանը, այլ գործածելու դրանք իրենց առօրյա կյանքում:
