Միաբանական հավաք Մայր Աթոռ Սուրբ Էջմիածնում
Սեղմել այստեղ` Տեսահոլովակը դիտելու համար
Ապա միաբանները մեկնեցին Ծիծեռնակաբերդի հուշահամալիր, ուր ծաղկեպսակ զետեղելուց հետո նախագահությամբ Տ. Նաթան եպիսկոպոս Հովհաննիսյանի աղոթեցին Եղեռնի բյուրավոր նահատակների հոգիների հանգստության համար:
Հունիսի 4-ին, Մայր Աթոռ Սուրբ Էջմիածնում միաբանական հավաքը շարունակեց իր աշխատանքները: Ժողովի երկրորդ օրը «Հայ Եկեղեցին եւ գլոբալիզացիան» խարագրով բանախոսությամբ հանդես եկավ Մայր Աթոռի «Էջմիածին» պաշտոնական ամսագրի փոխխմբագիր Տ. Շահե աբեղա Անանյանը, որից հետո տեղի ունեցավ հարցուպատասխան զեկույցում առաջադրված խնդիրների վերաբերյալ:
Նույն օրը Մայր Աթոռի Քրիստոնեական դաստիարակության կենտրոնի տնօրեն Տ. Վարդան աբեղա Նավասարդյանը ներկայացրեց «Մայր Աթոռի Քրիստոնեական դաստիարակության կենտրոնի գործունեությունը հայոց կրթօջախներում» խորագրով զեկույցը:
Օրվա ընթացքին քննարկման նյութ դարձան նաեւ մի շարք ծիսական-հովվական խնդիրներ:
