Մայր Աթոռը հայտարարում է Ավագ Շաբաթվա ծրագիրը
10.04.2014
Մայր Աթոռը սիրով հայտարարում է 2014 թ-ի Ավագ Շաբաթվա եւ Զատկական արարողությունների ծրագիրը: Բոլոր արարողությունները տեղի կունենան Ս. Էջմիածնի Մայր Տաճարում: Աշխարհասփյուռ մեր հավատացյալներին հրավիրում ենք մասնակցելու մեր Տեր Հիսուս Քրիստոսի Հրաշափառ Հարությանը նվիրված արարողություններին: Աշխարհասփյուռ հայ համայնքը կարող է դիտել Զատկական Սուրբ Պատարագը կիրակի օրը` ապրիլի 20-ին, Հայաստանի Հանրային հեռուստատեսության ուղիղ եթերում, որը կհեռարձակվի արբանյակային կապի միջոցով: Միջազգային հեռուստատեսության հեռարձակման ծրագիրը կհրապարակվի շուտով:
ԾԱՂԿԱԶԱՐԴ – Ապրիլ 13
10:00 – Աշխարհի չորս կողմերի օրհնության կարգ (Անդաստան)
11:00 - Սուրբ Պատարագ, որից հետո` Երեխաների օրհնության կարգ
17:30 - Դռնբացեք
ԱՎԱԳ ԵՐԵՔՇԱԲԹԻ – Ապրիլ 15
Հիշատակ է տասը կույսերի առակի
17:30 - Երեկոյան ժամերգություն
ԱՎԱԳ ՀԻՆԳՇԱԲԹԻ – Ապրիլ 17
Հիշատակ է մեր Տիրոջ` Հիսուս Քրիստոսի խորհրդավոր ընթրիքի
07:30 - Առավոտյան ժամերգություն և Կարգ ապաշխարողաց
10:30 - Սուրբ Պատարագ
16:00 - Ոտնլվայի կարգ’ ի հիշատակ Հիսուս Քրիստոսի 12 աշակերտների ոտքերի լվացման: Արարողությունը կկատարվի Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հանդիսապետությամբ:
19:00 - Խավարման կարգ’ ի հիշատակ մեր Տիրոջ’ Հիսուս Քրիստոսի մատնության:
ԱՎԱԳ ՈՒՐԲԱԹ – Ապրիլ 18
Հիշատակ է մեր Տիրոջ` Հիսուս Քրիստոսի չարչարանքների եւ խաչելության
12:00 - Խաչելության կարգ:
17:30 - Թաղման կարգ: Ավարտին կկատարվի նախատոնակ, որի ընթացքում Հիսուս Քրիստոսի խորհրդանշական գերեզմանը հանդիսավոր թափորով կշրջվի Տաճարի շուրջ: Արարողությունը կհանդիսապետի Ն.Ս.Օ.Տ.Տ. Գարեգին Բ Վեհափառ Հայրապետը:
ԱՎԱԳ ՇԱԲԱԹ – Ապրիլ 19
Ճրագալույց Սուրբ Զատկի
17:30 - Երեկոյան ժամերգություն, որին կհաջորդեն սուրբգրային ընթերցվածքներն ու Դանիել մարգարեի թուղթը, ապա կմատուցվի Ս. Պատարագ:
18:00 - Սուրբ Պատարագ
ՍՈՒՐԲ ԶԱՏԻԿ – Ապրիլ 20
Յարութիւն Տեառն մերոյ Յիսուսի Քրիստոսի:
Հիշատակ է մեր Տիրոջ` Հիսուս Քրիստոսի Հրաշափառ Հարության
10:30 - Հայրապետական Ս. Պատարագ, որի ընթացքում Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսը Սուրբ Հարության տոնի առիթով Հայրապետական իր պատգամը կուղղի աշխարհասփյուռ համայն հայ ժողովրդին:
Բ. օր զկնի Զատկի: Յիշատակ մեռելոց – Ապրիլ 21
10:30 - Սուրբ Պատարագ
11:45 - Հոգեհանգստյան Պաշտոն
