Համաժողով Մոսկվայում
03.05.2012
Համաժողով Մոսկվայում
Ապրիլի 25-27-ը Մոսկվայում կայացավ «Պետական քաղաքականությունը երեխաների պաշտպանության ոլորտում. օրենսդրություն-ստանդարտացում-փորձ» խորագրով համաժողովը` Ռուսաստանի «Երեխաների պաշտպանության ազգային հիմնադրամ»-ի նախաձեռնությամբ:
Համաժողովի նպատակն էր վեր հանել ոլորտին առնչվող հիմնախնդիրները, կատարված ուսումնասիրությունների, քննարկումների և փորձի փոխանակման միջոցով նախանշել վերջիններիս լուծման ուղիները:
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օրհնությամբ և ԵՀԽ Հայաստանյան միջեկեղեցական բարեգործական «Կլոր սեղան» հիմնադրամի աջակցությամբ համաժողովին մասնակցեցին Մայր Աթոռ Սուրբ Էջմիածնի Քրիստոնեական դաստիարակության կենտրոնի տնօրեն Վարդան աբեղա Նավասարդյանը և միջնակարգ կրթության ոլորտի պատասխանատու Կարեն Դանղյանը:
