Երեւանի Ս. Գրիգոր Լուսավորիչ մայր եկեղեցու ուխտի օր
Հունիսի 27-ին Հայ Առաքելական Սուրբ Եկեղեցին տոնախմբում է Սուրբ Գրիգոր Լուսավորիչ հայրապետի նշխարները գտնելու տոնը:
Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի բարձր տնօրինությամբ տարիներ առաջ տոնը հռչակվել էր Երեւանի Սուրբ Գրիգոր Լուսավորիչ եկեղեցու Ուխտի օր:
Այս առիթով Մայր եկեղեցում ժամը 1100-ին կմատուցվի Ուխտի Սուրբ Պատարագ, հավարտ որի եկեղեցու բակում տեղի կունենա տոնական համերգ` մասնակցությամբ Հայորդյաց Տների սաների եւ «Գրիգոր Լուսավորիչ» մանկական երգչախմբի:
Վերջում կկատարվի մատաղի օրհնություն եւ հյուրասիրություն: Ծրագրի ավարտին Լուսավորչի Կանթեղի ճրագը կբաժանվի հավատացյալներին:
Սիրով հրավիրում ենք լրատվամիջոցների ներկայացուցիչներին` լուսաբանելու այս միջոցառումը:
