«Ավանդական արժեքներ, արդի մարտահրավերներ» կոնֆերանս Մայր Աթոռ Սուրբ Էջմիածնում
21.03.2018
Մարտի 22-ին Հայաստանյայց Առաքելական Ս. Եկեղեցու և Ռուս Ուղղափառ Եկեղեցու աջակցությամբ Մայր Աթոռ Սուրբ Էջմիածնում` «Վաչե և Թամար Մանուկյան» Մատենադարանում, կանցկացվի «Ավանդական արժեքներ, արդի մարտահրավերներ» խորագրով մեկօրյա երրորդ միջազգային կոնֆերանսը, որը կազմակերպվել է Աթոս լեռան ռուսական սրբավայրերի աջակցման բարեգործական հիմնադրամի կողմից:
Ժամը 9:00-10:00 տեղի կունենա «Եկեղեցին` ընտանեկան և տոհմական հիշողության պահապան» ցուցահանդեսը` կազմակերպված Հայաստանի Պետական արխիվի ջանքերով:
Ժամը 10:00-ին կսկսվի միջազգային կոնֆերանսը: Կոնֆերանսին զեկույցներով հանդես կգան փորձագետներ Հայաստանից և Ռուսաստանից: Վերջում կոնֆերանսի մասնակիցները հանդես կգան հայտարարությամբ:
