Հայաստանյայց Առաքելական Սուրբ Եկեղեցի Մայր Աթոռ Սուրբ Էջմիածին

Ռուսաստանի Ռուբցովսկ քաղաքում առաջին անգամ հնչել է հայկական եկեղեցու զանգը: Այդ քաղաքում շուրջ 600 հայ է ապրում, որոնք ութ տարվա ընթացքում Ալթայի երկրամասի երկրորդ հայկական եկեղեցին են կառուցել: Զուսպ արտաքին հարդարմամբ, հայկական եկեղեցական ճարտարապետության կանոններով կառուցված աղոթատունն ունի 25 մետր բարձրություն, զանգակատուն: Հոկտեմբերի 6-ին թեմակալ առաջնորդ տեր Եզրաս արք. Ներսիսյանը կատարել է եկեղեցու օծման արարողությունը և աղոթատունն անվանել Սուրբ Գևորգ զորավարի անունով: