Հանրապետական մաղթանք Բանակի օրվա առիթով
27.01.2022
Արմավիրի թեմի Ս. Աստվածածին եկեղեցում, Գարեգին Բ Ամենայն հայոց կաթողիկոսի հանդիսապետությամբ, տեղի ունեցավ հանրապետական մաղթանք` Հայոց բանակի կազմավորման 30-ամյակի առիթով: Արարողության ընթացքում Հայոց Հայրապետը ծնրադիր աղոթեց մեր պետության անսասանության և զորացման համար, ժողովրդին ուղղված իր խոսքում անդրադարձավ հայոց բանակի դժվարին ճանապարհին, 44-օրյա պատերազմի արհավիրքներին, Աստծո արքայությունը հայցեց զոհված հերոսների հոգիների համար, մաղթեց փորձություններին ազգային միասնականությամբ դիմակայել, նոր հաղթանակներ կերտել, հայրենաշեն ձեռքբերումներով զորանալ:
